A Lichtschein oan dr Bornematzelbrücke

 

Dr ale Kloahre woar in Koamz zon Christmoarchte gewasen. Wie ar nu in dr hoalm Nacht durch de Moastche ging, do blieb ar of emo drschroacken stehn. Koam do ni a feuercher Schein oan dr Bornematzelbrücke quare durchen Busch? War gokelte do rim? Nu huscht dar feuerche Schein üwer de Stroße un machte drno of dr imzächtchen Seite wieder in Busch rei.

 

Woas woar doas? Amende goar Bornematzel!

 

In aln Kloahre fing’s sachte zu gruseln oan. Durch dann feuerschen Schein woar a Hoase schüchtern geworn un hopte üwern Weg. Nu woarsch waer aus! Nor fix raus aus dann unheemelichen Busche. Ar rannte wie a Haftelmacher.

 

Brücke